Оқушылардың дұрыс тамақтануы басты назарда!

Қазіргі заманда экономикалық қиындықтарға байланысты көптеген адам қаржылық қиындықтарға тап болады. Бұл, әсіресе, жетім, ата-анасының қамқорлығысыз қалған балалар, әлеуметтік осал топтарға, көпбалалы және толық емес отбасылардың балалары. Тегін ыстық тамақ беру — олардың күнделікті өмірін жеңілдетіп қана қоймай, физикалық және психологиялық тұрғыдан қолдау көрсететін маңызды көмек.

Оқушының дұрыс тамақтануы – оның күнделікті өмірінің ажырамас бөлігіне айналуы тиіс. Дұрыс әрі жақсы тамақтанатын оқушылардың денсаулығы мықты әрі сабақ үлгерімі де жоғары болатыны анық. Осы орайда жаңа оқу жылының басталуына орай ауданымыздың «№24 жалпы білім беретін орта мектебі» мемлекеттік коммуналдық мекемесінде жалпы білім беретін мектептердегі білім алушылар мен тәрбиеленушілердің жекелеген санаттарына тегін және жеңілдетілген тамақтандыруды ұсыну мақсатында мектеп асханасы жұмыс жасауда. 

Жаңа 2024-2025 оқу жылында жалпыға бірдей міндетті білім беру қорынан  ыстық тамақ ішетін оқушылардың саны әзірге 1105 оқушыны  құрап отыр. Оның ішінде 1-4 сынып оқушыларының саны 955 болса, 5-9-11 сынып оқушыларының саны 150 құрайды. 

Оқушылардың тамақтану кестесіне сәйкес уақытылы тамақтануы және күнделікті берілетін тамақтың сапасы, құрамы, температурасы   әлеуметтік педагог пен мектеп мейірбекесі, мектеп әкімшілігі, қамқоршылық кеңес пен ата-аналар комитетінен құрылған комиссия  бақылап, тексеріп отырады. Әсіресе, оқушылардың денсаулығына қауіпті асты болдырмау мен уланудың  алдын алу үшін мектептің әлеуметтік педагогы мен мейірбекесі күнделікті мәзірден сынама   жүргізеді. Сонымен қатар, асхананың жалпы тазалығы, қол жуатын орынның талапқа сай болуы, асханада тиым салынған заттардың сатылымға шықпауы және асхана қызметкерлерінің жай-күйі мен санитарлық-гигиеналық талаптарға сай болуы (арнайы киім формасының болуы, тазалығы т.б.)   күнделікті бақылауда.

«№24 жалпы білім беретін орта мектеп» мемлекеттік 

коммуналдық мекемесінің әлеуметтік 

педагогы Р.Е.Тастанбекова

15.09.2023жыл.

Жалпыға бірдей міндетті білім беру қорынан тегін ыстық тамақпен қамтуды ұйымдастырылуы бойынша жылдық жұмыс жоспарына сәйкес «Дұрыс тамақтану – денсаулық кепілі» атты іс-шарасы өткізілді. Іс-шараны өткізудің басты мақсаты – оқушылардың дұрыс тамақтану мәдениетін қалыптастыру, пайдалы тамақтану туралы мәлімет беріп, асхана әдебі туралы түсіндірме жұмыстарын жүргізу. Іс-шараға 1-4 сынып оқушыларының ыстық тамақ ішетін оқушылары қатысты. Іс-шара барысында мектептің әлеуметтік педагогы Тастанбекова Р.Е. «Асхана әдебі» тақырыбында түсіндірме жұмыстарын жүргізіп, оқушылар сұрақ қойып, өз жауаптарын алды.  Медбике қызметкері Тохтаева З. Дұрыс тамақтану, зиянсыз тағамдар секілді тақырыптарда баяндама оқып, үнемі дұрыс тамақтанудың денсаулыққа пайдасы туралы мәлімет берді. 

Сонымен қатар, оқушыларға тамаққа бару кестесі, асханада өзін ұстау мәдениеті, ыстық тамаққа кешікпеу, тамақ сапасы туралы шағымдарды қабылдау бойынша ұсыныстар айтылды.