Мемлекеттік қызмет-заман талабы!
Алматы облысы, Талғар ауданы, Қызыл ту-4 ауылы "№24 жалпы білім беретін
орта мектебі" КММ
МЕМЛЕКЕТТІК ҚЫЗМЕТ – ЗАМАН ТАЛАБЫ
Мемлекеттік қызмет көрсетуді электронды форматқа көшіру заман талабына сай қарқынды дамып келеді. Электронды үкіметті дамыту, халықтың компьютерлік сауаттылығын көтеру, халыққа қызмет көрсету орталықтарының қызметін жақсарту, сол арқылы мемлекеттік қызмет сапасын арттыру жөнінде азаматтардың үйден шықпай-ақ мемлекеттік қызметтерді онлайн түрде тегін ала алуға жағдай жасалған.
Бұл – мемлекеттік қызметтерді халыққа қолайлы, қолжетімді етудің ең ыңғайлы жолы. Қазіргі таңда 746 мемлекеттік қызметтің 621 түрі, яғни 83 пайыздан астамы «Азаматтарға арналған үкімет» жүйесіне өткізілген. Электронды үкімет инфрақұрылымы арқылы бүгінде 452 мемлекеттік қызмет көрсетіледі».
Осы орайда Талғар ауданы Қызыл ту ауылы №24 жалпы білімі беретін орта мектепте азаматтарға арналған «www.egov.kz» веб-порталы жұмыс жасайды. Қызметтерді электронды форматқа көшіруге байланысты халықтың уақыты үнемделіп, қағазбастылық азайғанын алға тартуға болады.
«Бастауыш, негізгі орта, жалпы орта білім берудің» жалпы білім беретін бағдарламалары бойынша білім беру ұйымдарына құжаттарды қабылдау және оқуға қабылдау Қазақстан Республикасының Білім және ғылым министрлігі әзірлеген мемлекеттік қызмет көрсету стандартына сай жүргізіледі.
2022-2023 оқу жылына бірінші сыныпқа электронды қабылдау 2022 жылдың 1 сәуір айынан басталады. Биылғы оқу жылына 178 оқушы қабылданады деген болжам жасалып отыр. Қазіргі уақытты барлығы 69 бала осы портал арқылы қабылданды. Және бұл қызмет түрі «https://e-zhetysu.kz/» веб-порталы арқылы жүзеге асырылады.
Мемлекеттік қызмет көрсету барлық саланы, соның ішінде азамат дүниеге келген кезден бастап барлық өмір сүру кезеңінде мемлекеттік қызмет көрсету бойынша мемлекетпен тығыз байланыста болатындығы белгілі. Осының негізінде азаматтар мемлекеттің қызметіне толықтай тәуелді, азаматтардың өмір сүруіне оңтайлы жағдай жасау арқылы жүзеге асыруға болады. Ендігі жерде мемлекеттік қызмет көрсету сапасы мемлекеттік тұтынушы ретінде тікелей халыққа арналған.